Тываның Чазаа Шагаан-Арыгның чылыдылга-энергетика төвүнге когараан ажылдакчыларга төлевирлерни доктааткан
11.03.2024
Бөгүн Тываның Чазаа Шагаан-Арыгның чылыдылга-энергетика төвүнге когараан ажылдакчыларга төлевирлер хемчээлин доктааткан.
- Аар кемдеп-берттинген кижилерге 400 муң рубльди, а ортумак кемдээшкин алганнарга – 200 муң рубль түңнүг төлевирлерни төлээр. Ажылчыннарның өг-бүлези-биле боду харылзажып, документилер долдурарынга дузалажырын база төлевирлерни дарый эгелээрин Тываның күш-ажыл болгаш социал политика сайыды Эдуард Санданга дагзып тур мен – деп, Владислав Ховалыг бодунуң блогунда бижээн.
Тываның кадык камгалал сайыды Анатолий Югайның дыңнатканы болза, Шагаан-Арыгның чылыдылга-энергетика төвүнге болган онза байдал үезинде сес кижи аар кемдээшкиннерни алган, олар Красноярскиде крайның күрүнениң клиниктиг эмнелгезиниң өртең төвүнде эмнедип чыдар.
Республиканың Кадык камгалал яамызы төрелдеринге ужуражыр арганы эмнелгениң удуртулгазы-биле чугаалажып турар.
Республиканың 1 дугаар эмнелгезиниң эмчилериниң хайгааралында когараан чеди кижи бар. Байдалы экижий берген кижилерни бөгүн үндүр бижиир. Республика эмнелгезинге ам-даа үш кижи артар.
Возврат к списку
|