Тывада чигир аарыглыг уругларның байдалын хынаар дериг-херекселче акша-хөреңгини тускайлаан
09.12.2023
Президентиниң даалгазы-биле Россия Федерациязының Чазаа чигир аарыглыг уругларның глюкозазын доктаамал хынап турар портативтиг системалар хандырылгазынга 5,1 млрд ажыг рубльди аңгылап үндүрген. Шак ындыг дериг-херексел чедишпес регионнарже бирги ээлчегде ол акша-хөреңгини шилчидер. РФ-тиң кадык камгалал сайыды Михаил Мурашко ол дериг-херекселди алыр субъектилер санынче Тыва Республика база киргенин дыңнаткан.
- Президентиниң даалгазы-биле чигир аарыг кижилерни эмнээриниң шынарынга контрольду хандырарынга база бичии уругларның глюкозазын доктаамал хынаарынга дериг-херексел садарынче акша-хөреңгини тускайлаан. Чуртта доктаамал боттанылгада база бир төлевилелче силерниң регион кирген - деп, республиканың эмнелге албан черлерин кезип хынаан соонда сайыт чугаалаан.
Ам чигир аарыының бирги хевири-биле аарып турар 2 хардан 17 харга чедир уруглар дээш, хереглелдиг шупту кижилерниң глюкозаның деңнелин мониторингилээр системалар-биле хандырылга экижиир.
Чигир аарыы ыжык болгаш хан-дамыр системазының аарыгларның соонда, үш дугаарында эң нептереңгей аарыг болур.
Возврат к списку
|