Тываның журналистер эвилелиниң даргазы Эльвира Лифанова: Айыткал республиканың турум хөгжүлдезинче угланган
19.12.2022
Тываның журналистер эвилелиниң даргазы Эльвира Лифанова Тыва Республиканың Баштыңының Айыткалы республиканың чүгле экономиктиг күчүзүнче эвес, а кижи капиталын хөгжүдеринче угланганын айыткан:
«Айыткалда регионнуң экономиктиг сайзыралынче, хөгжүлдени чедип алыр дээш, кижи болгаш туризм күчүзүн ажыглаарынче шупту чүүлдү угландырганын эскердим. Владислав Товарищтайович онза кичээнгейни өөредилге болгаш кижизидилге системазынче углаан, бөгүн уруглар, а эртен чон деп, Сергей Михалковтуң чугаалааны ышкаш. 2023 чылды Чоннуң чаңгыс эп-сеткилиниң чылы деп чарлааны, чүгле республикага эвес, а бүгү чуртка чугула».
Возврат к списку
|