Ноябрьның 24 база 26-да Тываның кызыгаар пунктулары таварты шимчээшкинни түр када тургузар
16.11.2022
2022 чылдың ноябрь 24 база 26 хүннеринде күрүне кызыгаарында «Хандагайты» (Боршоо), «Цагаан-Толгой» база «Шара-Суур» эрттирилге пунктулары таварты шимчээшкинни түр када тургузар. Ол хүннерде Моолдуң күрүне байырлалын демдеглээр болганы-биле, кызыгаар пунктуларынга санитарлыг хүннерни чарлаанын Тыва Республиканың даштыкы экономиктиг харылзаалар агентилели дыңнаткан. А ноябрьның 25-те Россия Федерациязының күрүне кызыгаары таварты кызыгаар эрттирилгези хүн чуруму-биле ажылдаар.
Россия Федерациязының күрүне кызыгаары таварты «Хандагайты (Боршоо)» ийи таланың чүък-пассажир автомобиль эрттирилге пунктузунуң Координация чөвүлели санитарлыг хүннерни чарлаар дугайында шиитпирни хүлээп алганын, ТР-ниң даштыкы экономиктиг харылзаалар агентилели тодараткан.
Кожа-хелбээ күрүнеже баар планныг кижилер санитарлыг хүннерни көрүп, чоруур хүннерин таарыштырып алыры артык эвес.
Возврат к списку
|