Тывада өскүстерге чурттаар оран-сава садып алыр сертификаттарны берген

29.09.2022 Тыва Республиканың Чазааның даргазының оралакчызы Елена Хардикова республиканың алды чурттакчызынга чурттаар оран-сава садып алыр сертификаттарны тывыскан.
Республиканың Чазаа өскүс болгаш ада-иезиниң хайгааралы чок чок арткан уругларга деткимчениң мындыг хевирин бо чылын киирген. «Өскүс уругларны база ада-иезиниң хайгааралы чок арткан ажы-төлге социал деткимчениң немелде магадылалдарының дугайында” регион хоойлузунга республиканың баштыңы февраль 27-те атты салган.
Чаа туткан тускай тудуг фондузундан өскүс уругларга бажыңнарны бо чылга чедир берип турганын сагындыраал. Республикада чуртталга тудуунуң хемчээли эвээш болганындан, олар оочурун чыл-чылы-биле манаар турган.
Елена Хардикова сертификаттарны тыпсып тура, өг-бүле боду бажыңныг болуру чугула деп демдеглээн. Өг-бүлениң чылыг одаа – турум болгаш идегелдиг тылды, келир үеже планнарны тургузар арганы бээр.
Бо хүн 18 кордакчы сертификаттарны алыр, оларның 14-ү Кызылда, дөртү муниципалдыг тургузугларда чурттап турарын дыңнаткан.
Елена Хардикова чуртталга сертификадының кырынга, ие капиталын азы бодунуң чыып алганы акшазын немээш, ийиги рыноктан тааржыр бажыңны садып ап болурунче кичээнгейни угландырган.
Вице-премьер сертификат алыкчыларының чаа бажыңнарынга чаштар көвүдеп, оларның хөглүг каткызы кезээде чаңгыланып чоруурун күзээн.