22.08.2022
Бөгүн республика Чазааның аппарат хуралында, эрткен хонукка деңнээрге 62 кижи хөйге ковидтээни илереттинген деп дыңнаткан.
Россияның санитар-эпидемиологтуг албанының Тыва Республикада эргелели-биле ТР-ниң Кадык камгалал яамызының август 21-ден 22-же ындыг медээзи бар.
Эрткен хонукта 329 кижи ковидтен аарааны бадыткаттынган. Республиканың 15 муниципалдыг тургузугларында аарыг кижилер саны немешкен. Ооң-биле чергелештир 202 кижи сегип экирээн.
Лабораторлуг шинчилгеден Кызыл хоорайда - 189, Ак-Довурак хоорайда - 3, Барыын-Хемчикте - 3, Кызыл кожуунда - 48, Мөңгүн-Тайгада - 2, Чөөн-Хемчикте - 8, Каа-Хем кожуунда - 1, Таңдыда – 16, Тожуда – 7, Улуг-Хемде – 6, Бии-Хемде – 20, Чаа-Хөлде – 5, Чеди-Хөлде – 4, Тес-Хемде – 16, Эрзинде – 1 аарыг кижилер илереттинген.
2022 чылдың январь 1-ден бо хүнге чедир 15531 кижи халдавырдан аараанын бүрүткээн. Ол-ла үе иштинде 48 кижи ковидтен когарап, хораан.
Бо хүнде 1811 кижи эмнээшкинни ап турар, оларның 201-и республика девискээринде эмнелге албан черлеринде чыдар. 13 кижиниң байдалы нарын, 2 кижини ИВЛ аппаратта кошкан.
110596 кижи долу тарылганы алган, республикада коллективтиг иммунитеттиң деңнели 7,8 хуу дээрзин,
стопкоронавирус.рф порталда айыткан.