Тываның Баштыңы Владислав Ховалыг Частың болгаш Күш-ажылдың хүнү-биле чаңгыс чер-чурттугларынга байыр чедирген

Тываның Баштыңы Владислав Ховалыг Частың болгаш Күш-ажылдың хүнү-биле чаңгыс чер-чурттугларынга байыр чедирген.

- Эргим чаңгыс чер-чурттугларым!

Частың база Күш-ажылдың байырлалы-биле силерге сеткилимниң ханызындан байыр чедирип тур мен!

Майның бири – чурттуң турум экономиктиг чоруун тургузуп турар бүгү-ле кижилерниң байырлалы. Аңгы-аңгы салгалдарның болгаш мергежилдерлиг кижилерниң чаңгыс демин болгаш дең эргелиг чоруунгабедик хей-аътты берип чоруур хүн.  Чүгле чаңгыс демивис-биле турум болгаш шыдалдыг чуртталганы чедип ап болур бис. Мурнувуста кылыр ажыл-иживис хөй.

Бөгүн Тывада чылыг, аяс хүн болганда, кижи бүрүзү бо хүннү бодунуу-биле байырлаар: чамдыктар байырлалдың чыскаалынга киржир, өскелер дача участоктарынга ажылдаар, а артканнары арыг агаарга дыштанырлар. Агаарга дыштанып чорааш, от-көс-биле серемчилелдиг болуңар. Ынаар кичээнгейни углаңар.

Чаңгыс чер-чурттугларымга быжыг кадыкшылды, тайбыңны, аас-кежикти, бүгү-ле эгелээшкиннеринге  чедиишкиннерни күзедим!