Кызылдың каайлы постузунуң ажылдаар шактары өскерилген
02.03.2022
Красноярскиниң таможнязында кирип турар Абаканның, Ачинскиниң, Зеленогорскииниң, Канскиниң, Красноярскиниң, Кызылдың, Лесосибирскиниң, Саяногорскиниң база Таймырның каайлы постулары ам 8.30-тен 17.30-ге чедир (понедельник – четверг) ажылдаар,а пятницада 8.30-тен 16.30 шакка чедер. Дүштеки чапсар – 13.00 - 13.48 шакта. Красноярск аэропортунуң каайлы постузу, Хандагайты, Шара-Сур база Цаган-Толгой ийи талалыг автомобиль эрттирилге пунктулары ооң мурнунда чуруму-биле хевээр ажылдаар.
Россияның федералдыг айыыл чок албанының Тыва Республикада кызыгаар эргелели Россия Федерациязының девискээринче чаа коронавирус халдавырын киирерин болдурбазы-биле, Россия Федерациязы биле Моолдуң кызыгаарын таварар автомобиль эрттилге пунктулары Россия Федерациязының Чазааның 2020 чылдың март 27-де № 763-р айтыышкынында http://www.consultant.ru/document/cons_doc_LAW_348748/ айытканы езугаар ажылдаар. Амгы үеде күрүне кызыгаарын үстүнде айтыышкынында айыткан Россия Федерациязының хамаатыларның чамдык бөлүктери эртип болур.
Россия Федерациязының Чазаа амгы кызыгаарлаашкыннарны ап кааптарын албан езузу-биле чарлаан соонда, чүгле ынчан Россия Федерациязы-биле Моолдуң күрүне кызыгаарын эртер ооң мурнунда чурум кирер.
Красноярскиниң таможня база Россияның ФАА Тыва Республикада Кызыгаар эргелелиниң медээзи-биле
Возврат к списку
|