Тывада арга-арыг өрттери-биле демисежир чаа техника келир
25.02.2022
«Экология» национал төлевилелдиң «Арга-арыг камгалалы» федералдыг төлевилелден аңгылаан акша-хөреңги-биле арга өрттери өжүреринге база арга-арыг ажыл-агыйынга 18 санныг техниканы бо чылын садып алыры планнаттынган.
Тываның Арга-арыг ажыл-агыйы база бойдус ажыглалының яамызы дугуйлуг алды тракторну, илчирбелиг дугуйлуг он тракторну база кожуглуг ийи тракторну садып алыр.
Арга-арыг өрттери-биле демиселге амгы үениң техникалары база дериг-херекселдери улуг дузалыг. Тываның арга-арыг ажыл-агыйларының автопарыгы эргижирээн. Ынчангаш "Экология" нацтөлевилелдиң акшаландырыышкынын тускайжыттынган машиналар садып алырынче угланлырар деп, ведомство тайылбырлаан.
Тываның Арга-арыг яамызы республиканың экосистемазын камгалап артырар болгаш хөгжүдер айтырыгларже улуг кичээнгейни салган. Ыяштар өзүмнерин олуртуп, өстүрүп, өрттерни болдурбазы - арга-арыгны камгалап арттырарының мурнады ботандырар айтырыы болур.
2021 чылда федералдыг төлевилел-биле 25 санныг тускайжыттынган техниканы (21-и – арга-арыг өрттерин өжүреринге база 4-ү – арга-арыг ажыл-агыйынга) садып ап, ведомство албан черлериниң автопарыгын чаарткан.
Возврат к списку
|