Тываның Баштыңы Дээди Хуралдың депутаттарынга Айыткалын бээр
26.11.2021
Тываның Баштыңы Владислав Ховалыг чаңчыл болган Айыткалын Дээди Хуралынга бээр. Республика Баштыңы регионда социал-экономиктиг байдалды шинчилеп, 2022 чылда мурнады боттандырар чугула айтырыгларны аңаа демдеглээр.
Владислав Ховалыг Айыткалга хамаарыштыр дыңнадыгны бодунуң блогунда бижээн. Тываның күүсекчи эрге-чагыргазының удуртукчузу албан-дужаалда программалыг бирги документини канчаар көрүп турарының дугайында бодалын ол илереткен.
Айыткал политиктиг үзел-бодалы база туружу хамаарылга чокка республика чурттакчыларыныӊ, хөй-ниити каттыжыышкыннарыныӊ болгаш бөлүктерниӊ хөй нуруузунуӊ чагыглары болгаш дилеглеринге харыылаар ужурлуу ол эң кол деп, Тываның Баштыңы санап турар. Ооӊ-биле чергелештир айыткалдың кол өзээн - чылдыӊ иштинде шиитпирлээр тодаргай сорулгалар тургузар.
“Бүгү-ле чүүлдер хары угда болдуна бербези билдингир, ынчангаш бөгүнде чугула херек айтырыгларны кады шилип ап болур. Политиктер болгаш хөй-ниитичилер, чаңгыс чер-чурттуглар-биле ужуражып, оларның үзел-бодалдарын база катап дыңнап, келир чылда материалдыг болгаш саң-хөө аргаларывыс-биле чүнү кады чедип алыксап турарывысты айтыр мен” - деп, Владислав Ховалыг айыткалга хамырыштыр бодунуң туружун таныштырган.
Республика Баштыңының Айыткалын Тываның күрүне эрге-чагырга органнарының албан езузунуң порталынга, республика баштыңының социал четкилерде арыннарынга онлайн чурум-биле, тус черниң телеканалдарынга дорт дамчыдылга-биле көргүзер.
Возврат к списку
|