Тываның Каа-Хем кожуунда «Өөредилге» национал төлевилел боттанылгазы-биле «Өзүлде точкалары» өөредилге төптери ажыттынар
11.08.2021
2021 чылда «Өөредилге» национал төлевилел боттанылгазы-биле, Каа-Хем кожууннуң өөредилге организацияларынга, бойдус-эртем база технология угланыышкыннарлыг “Өзүлде точкалары” деп ийи өөредилге төптерин ажыдар.
Суг-Бажы биле Дерзиг-Аксы суурларның школаларынга бойдус-эртем болгаш технологтуг угланыышкынныг “Өзүлде точкалары” өөредилге төптери сентябрьда ажылын эгелээрин, Тываның өөредилге болгаш эртем яамызы дыңнаткан.
Төптүң өрээлдерин септеп-селииринче кожууннуң муниципалдыг бюджединден ниитизи-биле 340 муң рубль акша-хөреңгини тускайлаан. Бо хонуктарда септелге ажылдары доозулган, ам дериг-херекселдерин манап турар.
«Өзүлде точалары» – «Өөредилге» национал төлевилел боттаныышкыны-биле бүгү чурттуң ниити өөредилге черлериниң, көдээ школаларның баазазында ажыткан тускайжыттынган төптер болур. Регионнарда ажы-төлдү амгы үениң технологиялары-биле ажылдап билир кылыр өөредири – ону тургусканының сорулгазы.
Россияның президентизи Владимир Путин “Өөредилге” национал төлевилелди 2018 чылда бадылаан. Ол российжи өөредилгениң улуг чижилгелиин бадыткап, өөредилге шынарының талазы-биле Россия Федерациязын эң башкарыкчы он чурттар санынче кирерин чедип алырын хандырар ужурлуг. Төлевилелдиң бюджеди – 784,5 миллиард рубль. «Өөредилге» национал төлевилелдиң боттаныышкынын 2019-2024 чылдарда санаан.
Возврат к списку
|