Владислав Ховалыг-биле «Дорт чугааже» 436 дыңнадыг келген
10.08.2021
Тываның Баштыңының албан-хүлээлгезин күүседип турар Владислав Ховалыг-биле болур “Дорт чугааже” хамаатылардан 436 дыңнадыг кирген, республика чурттакчыларының салган айтырыгларының хөй кезии тудуг болгаш чурттаар оран-савага – 70, ЧКА болгаш энергетикага – 56, социал камгалалга – 52, чер болгаш өнчү хамаарылгаларынга – 52, өөредилгеге – 35, хоойлу болгаш корум-чурумга – 23, оруктар болгаш көвүрүглерге – 22, хөй-ниити транспортунга – 21, чаагайжыдылгага – 20 база 11-и кадык камгалалынга хамааржырын регион башкарылгазының төвү дыңнаткан.
Баш бурунгаар санаашкыннар-биле алырга, чурттакчы чондан дыңнадыглар чорудары-биле Кызыл хоорай мурнуку черде – 280 дыңнадыгны бүрүткээн, ийигизинде – Кызыл кожуун (39 дыңнадыг), үшкү черде Бии-Хем (21 дыңнадыг).
Айтырыгларны бүрүткеп доозарынга чедир 6 хонук артканын сагындыраал.
Хамаатылар боттарының айтырыгларын мессенджерлер база социал четкилер, ол ышкаш телефон таварыштыр чорудуп болур. Айтырыгларга харыылар «Россия-24» база ОТР телеканалдарга август 15-те 17.00 шактың дамчыдылгазында үнер.
8-(800)-200-85-04 телефонче халас долгааш, айтырыгларыңарны салып болур силер.
Viber мессенджерде https://clck.ru/WdnB4
«Тыва Республиканың Баштыңы албан-хүлээлге күүседикчизиниң онлайн-хүлээп алыышкыны» бөлүк азы Вконтактыда vk.com/internetpriem база инстаграмда nstagram.com/onlinepriem_tuva социал четкилерде “Тыва Республиканың Баштыңының онлайн-хүлээп алыышкыны” бөлүктерге дыңнадыыңарны бижип болур силер.
Возврат к списку
|