Тываның Баштыңының албан-хүлээлгезин түр када күүседип турар В. Ховалыг Кызыгааржының хүнү-биле байырны чедирген

 Россияның Моол-биле 1300 километринде шөйлү берген күрүне кызыгаарында чыдар Тывада, кызыгааржы кижиге хамаарылга онза. Ол кызыгаар - силерниң идегелдиг холдарыңарда. Тываның болгаш бүгү чурттуң амыр-дыштыг амыдыралын камгалап турар силер. Кызыгаар эргелели - республиканың хөй-ниити амыдыралының идепкейжизи. Кызыгааржылар болгаш хоочуннар дыка хөй патриотчу хемчеглерни эрттирип, аныяктарывыстың кижизидилгезинде улуг үлүгнү киирип чоруур. “Тываның кызыгааржы акы-дуңмалары” хөй-ниити организациязының ажылы макталга төлептиг. 

Ада-чуртка ынакшылыңар, бедик профессионал болгаш даңгырааңарга шынчы чорууңар, Төрээн чурт камгалакчыларының чаа салгалдарын кайгадып, кызыгаар шерииниң алдарлыг ужур-чаңчылдарын уламчылаарынга хей-аътты берип чоруур. 

Албан хүлээлгеңер чүгле өөрүшкүнү эккеп чоруурун күзедим! Силерни база эш-өөрүңерни серемчилел кажан-даа кагбазын, кызыгаар кезээде амыр-тайбың болгаш ыржым-оожум болурун, төрээн чуртувустуң кызыгаарынче кажан-даа, кым-даа семевезин деп күзээр-дир мен. Байырлалыңар-биле!