СФО-да Президентиниң бүрүн эргелиг төлээзиниң оралакчызы регион эрге-чагыргазынче түр када кирген Тываның баштыңын таныштырган
09.04.2021
МОСКВА, апрель 9. /ТАСС/. Пятницада, РФ-тиң президентизиниң Сибирь федералдыг округда бүрүн эргелиг төлээзиниң оралакчызы Вадим Головко ТР-ниң Дээди Хурал (регионнуң парламентизи) депутаттарынга, чазак кежигүннеринге база ведомстволар удуртукчуларынга Тываның Баштыңының албан хүлээлгезин түр када күүседир Владислав Ховалыгны таныштырган. Тываның Чазааның парлалга албаны ооң дугайында пятницада ТАСС-ка дыңнаткан.
"Бөгүн СФО-да РФ-тиң президентизиниң бүрүн эргелиг төлээзиниң оралакчызы Вадим Головко Дээди Хуралдың депутаттарынга, регион чазаанга база ведомстволар удуртукчуларынга Тыва Республиканың Баштыңы албан-дужаалды түр када күүседир Владислав Ховалыгны таныштырган" – деп, парлалга албаны ук хемчег Чазак бажыңынга эрткенин дыңнаткан.
Ховалыг күрүне, муниципалдыг база корпоративтиг удуртулгага ажылдаан профессионал арга-дуржулгалыг, бүгү билиг-мергежили-биле холбашкан республикада байдалды эки билир деп Головко демдеглээн. Чаа удуртукчунуң сөзү-биле алырга, чедиишкинниг бурунгаарлаар дизе, Тываның социал-экономикиг хөгжүлдезиниң тускай программазын боттандырар дээш күжениишкиннерни салыр херек.
Средада Россияның президентизи Владимир Путин Тываның баштыңы Шолбан Кара-оолдуң бодунуң күзели-биле халажырын хүлээп ап, регионнуң баштыңынга Ховалыгны түр када томуйлаан.
Ховалыг - губернаторлар школазының дөрткү агымының дыңнакчызы. "Губернаторлар школазы" деп адаар күрүне албанының удуртукчу кадрлар курлавырын белеткээр программа 207 чылдың июньда ажылдап эгелээн болгаш, Ажаалга банкызының Корпоративтиг университединиң, "Сколково" Москваның эргелеп-башкарылга школазының, РАНХиГС база Экономиканың дээди школазының эң-не шылгараңгай программаларын белеткелдиң үндезининге алган.
Регион баштыңының соңгулдалары 2021 чылдың сентябрь 19-та чаңгыс аай соңгулда хүнүнде болуп эртер.
Возврат к списку
|