Тываның даштыкы экономиктиг харылзаалар талазы-биле агентилели Россия-Моол кызыгаарында эрттирилге пунктулары түр када хагдынарын дыңнадып тур
13.11.2020
Тываның даштыкы экономиктиг харылзаалар талазы-биле агентилел Россия Федерациязының Улан-Батор хоорайда элчин черинден коронавирустуң тарап-нептерээрин болдурбазы-биле Россия-Моол кызыгаарында эрттирилге пунктуларын түр када хаар дугайында дыңнадыгны чорутканын дыңнадып тур.
1994 чылда ат салган моол-российжи күрүне кызыгаары таварты бөдүүнчүткен харалзаалыг кызыгаар эрттирилге пунктуларының дугайында дугуржулганың 5 чүүлүнүң 5,1 кезээ езугаар, Моолдуң Чазаа чамдык пунктуларда кызыгаарны эрттерин дараазында чурум-биле түр када тургузар шиитпирни хүлээп алган:
Россия-Моол күрүне кызыгаарының Тывада участогунда:
- Боршоо (Хандагайты, Өвүр кожуун) автомобиль эрттирилге пунктузу тавартыр 2020 чылдың ноябрь 23-те 00:00 шактан 2021 чылдың апрель 01-ге чедир 00:00 шакка чедир кирерин түр када тургузар;
- Арцсуурь (Цагаан-Толгой, Эрзин кожуун), Тэс (Шара-Суур, Тес-Хем кожуун) автомобиль эрттирилге пунктулары тавартыр 2020 чылдың ноябрь 16-дан билдинмес үеге чедир кирерин түр када тургузар.
Россия-Моол күрүне кызыгаарының Бурятияда участогунда:
- Алтанбулаг (Кяхта) автомобиль эрттирилге пунктузу тавартыр 2020 чылдың ноябрь 16-да 00:00 шактан 2021 чылдың январь 18-те 00:00 шакка чедир кирерин түр када тургузар;
Россия-Моол күрүне кызыгаарының Алтайда участогунда:
- Цагааннуур (Ташанта) автомобиль эрттирилге пунктузу 2020 чылдың ноябрь 23-тен эгелеп чүгле кыва-чаар чүүл сөөртүп турар транспортту айның ийи база дөрт дугаар неделяларында расписание езугаар ажылдадыр.
Возврат к списку
|