Тываның Баштыңы РФ-тиң Президентизиниң Айыткалын бээр ёзулалда киржип турар

Владимир Путин бөгүн, январь 15-те, Москва шагы-биле 12 шакта Айыткалын эгелээр. Күрүне Баштыңы Айыткалында иштики болгаш даштыкы политика, экономика, социал болгаш өске-даа адырларда байдалдарны, чуртту хөгжүдериниң кол угланыышкыннарын демдеглеп, Россияның Чазаанга болгаш парламентиге чогуур сорулгаларны айтыр. 

Президентиниң Айыткалында социал айтырыгларны, ооң иштинде ядыы-түреңги чорукту шиитпирлээриниң өзек темалары кирген. Владимир Путин “чоннуң боттуг орулгаларының батканы” дүвүредип турарын чугаалааш, ам эрге-чагырганың кол айтырыы - эвээш шалыңда чурттап турар кижилер санын эвээжедиринде деп айыткан. 

Федерация Чөвүлелиниң төлээлери, Күрүне думазының депутаттары, Чазак кежигүннери, Конститусчу болгаш Дээди судтарның удуртукчулары, губернаторлар корпузу, регионнарның Хоойлужудулга Хуралдарының даргалары, хөй-ниити ажылдакчылары бо хемчегде олуржуп турар. 

«Бирги канал», «Россия 1», «ОТР», «Мир» каналдарга, «Вести.Ru» база «Россия 1» сайтыларынга Айыткалдың дорт дамчыдылгазын көргүзер.