Тывада мал чеминиң белеткели уламчылавышаан

Планныг онаалдазын 46,3 хуу (2018 чылга деңнээрге 114 хуу), азы ниитизи-биле 104 608 тонна кылдыр күүсеткен, ооң 103908 тонназы – сиген-ширбиил болур. 

· чоннуң хууда дузалал ажыл-агыйлары - 64243 тоннаны (2018 чылга деңнээрге 108 %), азы 61,4 хууну; 

· тараачын (арат) ажыл-агыйлар – ниити белеткээн мал чеминиң 26,1 %, азы 27291 тоннаны (2018 чылга деңнээрге 144 %); 

· көдээ ажыл-агый бүдүрүлгелери – 12126 тоннаны, азы 11,6 % (2018 чылга деңнээрге 98,2%) сиген-ширбиилди белеткээн.  

«Туран» КХН-ниң сүт-бараан фермазы хоолулуг мал чеми кылдыр – 700 тонна сенажты (планны 100%) курлавырлап алган. "Каа-Хем" МУБ-туң сүт-бараан фермазы, Оюн Ч. Х-Д.,, Балчый О. база Тюлюш А.Б.-ниң тараачын-арат ажыл-агыйлары ол ажылды август 26-да эгелээн.

 Оон аңгыда, муниципалдыг тургузуглар мал чемин кышка удур база курлавырлап турар. Эрзинден аңгыда, шупту кожууннар планын тургускан. 1469 тонна сиген белеткээр план, бо хүнде 246 тонна (16,7 %) күүсеттинген, 90 тонназын шыгжаар черлеринде чедирген.  

Сөөлгү ийи неделяның түңнели-биле алырга, августуң 10-дан 23-ке чедир, 86181 тонна сигенни кезип, азы планны 82,4 хуу күүсеткен. 

Мал чемин белеткээр талазы-биле кожууннарда байдал мындыг: 

· Каа-Хем кожуун -13499 тонна (планның 74,3 %), 

 · Сүт-Хөл кожуун - 12652 тонна (58 %), 

 · Таңды кожуун -11022 тонна (57,8 %). 

Бо кожууннар мал чемин белеткээр темпини кошкаткан:  

· Мөңгүн-Тайга кожуун –562 тонна азы планның 32,2 %, 

· Улуг-Хем кожуун – 4760 тонна азы планның 34,5%, 

· Барыын-Хемчик кожуун –7559 тонна азы планның 35,3%,  

· Чаа-Хөл кожуунда – 2726 тонна азы планның 36%.  

Дараазында кожууннар мал чеминиң белеткелин кудуку деңнелде организастаан: 

· Тере-Хөл – 805 тонна азы планның 25,4 хуузу, · Эрзин - 2850 тонна азы планның 40,1 хуузу.

Тайылбыр: 

Мөңгүн-Тайга кожууннуң ажыл-агыйлары: «Мөген-Бүрен» КУБ Чөөн-Хемчик кожууннуң девискээринде 111 тонна сигенни, азы 261 тонна сиген белеткээр планын 42,5 хууда күүседип алган, а «Малчын» КУБ – Улуг-Хем кожууннуң Арыг-Үзүүнүң Ээр-Хавак деп черде 111 тонна сигенни кезип, азы 155 тонна кылыр планын 62 хуу чедирген.