Антон Силуанов Тываның тудуг объектилериниң дөзевилел-смета документилеринге субсидияны бээрин саналдаан
28.08.2019
Россияның Чазааның даргазының бирги оралакчызы – саң-хөө сайыды Антон Силуанов Тывага тудар болгаш эде чаартыр объектилерниң дөзевилел-смета документилерин белеткээр чарыгдалдарга субсидияны бээрин федералдыг яамыларга саналдаан.
Тываның Баштыңы Шолбан Кара-оол улуг деткимче берген Россияның саң-хөө сайыдының саналын үнелээн. «ДСД белеткээр чарыгдалдарны өөренип көргеш, яамылар субсидияларны берип шыдаарын көрээлиңер – деп, Тываның социал-экономиктиг шапкын хөгжүлдезиниң талазы-биле Кызылга эрткен хурал үезинде Антон Силуанов чугаалаан. – Яамылар-биле кады ол объектилерниң даңзызын ажылдап кылгаш, оон регионнуң хереглелин тодарадырын диледим».
Возврат к списку
|