30.04.2019
Саргы энцефалиди. Саргыга ызырткан кижилерниң саны эрткен неделяга деңнээрге 60,3 хуу (68 кижи) көвүдээн, а 2018 чылдың бо-ла үезинге деңнээрге 41,4 хуу эвээш (2018 чылда – 116 кижи).
Неделя дургузунда саргыга ызырткаш эмчи дузазы дилеп келгеннерниң саны 109 кижи, оларның 62-зи 17 хар четпээн уруглар (56,9 хуу).
Неделя санының мониторингизинден алгаш көөрге, саргының халдавырлыг энцефалидинден аараан таварылга бүрүткеттинмээн. Сүт-Хөл кожууннуң Сүт-Хөл суурда 56 харлыг 1 кижи кижи саргы боррелиозундан аараан, эмнээшкинни ап турар, амгы үеде байдалы эки.
Саргы энцефалидинге удур 11 905 кижини тараан, чыл планының 52,3 хуузу (ниити планда 22749 кижи). Тарыткан кижилерниң:
· 10390-ы 17 харга чедир уруглар, тарылга планының 22,3 хуузу.
· 1515-и улуг кижилер, планның 33 хуузу, айыылдыг бөлүкте 693 кижи, планның 16,8 хуузу.
Тываның Баштыңы Шолбан Кара-оол республиканың кадык камгалал яамызынга тарылга кампаниязын идепкейлиг чорудуп, ынаар онза кичээнгейни углаарын сагындырган. Регионнуң удуртукчузу бодунуң оралакчызы Шолбан Хопуяга арга-арыгда ажылдап турар кижилерни контрольга ап, тарылганы кылдыртыр даалганы берген.