Тыва Республиканың күүсекчи эрге-чагырга органнарынга стажировкалаар аныяк специалистерни шилиир конкурсту чарлаан

Тыва Республиканың Баштыңы Ш.В. Кара-оолдуң саналынга үндезилээш, мергежилдиг аныяк специалистерден республиканың күрүне органнарының шынарлыг кадр курлавырын хевирлээр системаны тургузар сорулга-биле, конкурсту эрттирип турар. 

Шилилдени чедиишкинниг эрткен стажер-биле бирден үш айның күш-ажылчы керээзин чарар. Стажерлерның күш-ажыл төлевирин «2017-2019 чылдарда күш-ажыл болгаш ажылга хаара тудары» Тыва Республиканың күрүне программазының иштинде «Күш-ажыл рыногунда дүшкүүрлүг чорукту чавырылдырары» программа акшаландырыышкыны-биле төлээр. 

Конкурска 35 хар чедир назылыг, дээди эртемниг болгаш Россия Федерациязының күрүне дылдарын билир, Россия Федерациязының хамаатызы киржип болур. Конкурс комиссиязынче дужаар чугула херек документилерниң даңзызын http://rtyva.ru/content/2277/38853/ шөлүгде берген. 

Тыва Республика Баштыңының Администрациязының күрүне албаны болгаш кадр курлавырының айтырыгларының талазы-биле департамент 2019 чылдың март 1-ге чедир документилерни хүлээп ап турар.