РФ-тиң камгалал сайыды Сергей Шойгу Тываның Баштыңы Шолбан Кара-оолга төрүттүнген хүнү-биле байырны чедирген
18.07.2018
Бөгүн, июль 18-те Тываның Баштыңы Шолбан Кара-оол 52 харлаан. Шолбан Валерьевичниң төрүттүнген хүнүн таварыштыр РФ-тиң камгалал сайыды Сергей Шойгу байыр чедирген.
"Хүндүлүг Шолбан Валерьевич! Төрүттүнген хүнүңер-биле бүгү-ле сагыш-сеткилимден байыр чедирдим! Россияның политиказында болгаш республиканың амыдыралында силерниң көстүп келгениңер таварылга эвес. Назы-харыңар чеже-даа аныяк болза, республиканың бурунгаар сайзыралынга үндезин болур хөй-ниитиниң чаңгыс демин, чөпшээрежилгезин болгаш дең-дески чоруун быжыглап, регионну углап-баштаарынга сагылга-чурумну тургузуп ап шыдаптыңар.
Тываны баштап келген чылдарыңарда регионнуң социал-экономиктиг сайзыралынга кончуг чугула, харын-даа системажыттынган чаа эгелээшкиннерни кылып чоруттуңар. Силерниң чүткүлдүг тура-сорууңар-биле республиканың эң чидиг айтырыы – транспорт харылзаазы, кол аэропортту эде кылып, агаар харылзаазын катап тургусканы-биле шиитпирлеттинип эгелээн.
Төрээн чериңер бай-шыдалдыг, а ооң чурттакчылары эки чурттазын дээш бодалдарыңар, планнарыңар, силерниң назы-харыңар немешкен тудум, төнер туржук, харын-даа үндезиннелип, улам калбарар дээрзинге идегеп тур мен. Планнар, күзелдериңер боттанып-ла турзун! Силерге кадыкшылды, чедимчелиг чорукту, аас-кежиин күзедим!"
Возврат к списку
|