Тывада муниципалдар аразында пассажирлер аргыжылгазының шугумунда чаа автобустарны салган

Тываның Чазаа регионда пассажирлер аргыжылгазын чурумчудар дээш хемчеглерни ап турарын база катап бадыткаан.  

Июнь 4-те, «Кызылгортранс» муниципалдыг бүдүрүлгеге лизинг-биле саткан «ПАЗ» маркалыг 20 автобусту байырлыг байдалга дамчыткан. Байырлыг хемчегге киришкен республика Баштыңы Шолбан Кара-оол дамчыткан техниканың 14-ү Кызылда хоорай маршрудунче үнерин чугаалаан. Арткан 6 автобус чөөн, мурнуу база барыын угже: Кызыл – Эрзин, Кызыл – Ак-Довурак, Кызыл – Сарыг-Сеп муниципалдар аразында шугумже үнер.  

о чылдың февральда, Кызылдың мэрия-биле үлүглежип, «ПАЗ» маркалыг 20 автобусту садып алганын сагындыраал. Хоорай иштинде аргыжылганы элээн экижидери-биле, онза хереглелдиг маршруттарже оларны үлээн. Ооң ачызында, хөй-ниити транспортунуң киржилгези-биле орук чурумунуң шимчээшкинин үрээн база озал-ондак болдурган таварылгалар кызырылган, чолаачыларның чуруму экижээн, шимчээшкин графигинде чурум кииртинген.  

Чурттакчы чонга муниципалдыг автобустарны эки талазы чүдел дизе, чамдык категорияның хамаатыларынга чиигелделиг чоруур чурумну киирип болурунда. Ону хоорай иштиниң-даа, хоорайлар аразында-даа аргыжылгазынга ажыглаар.  

Тываның Баштыңы мында, аргыжылга рыногунда, биче сайгарлыкчыларны кызыптар дугайында чугаа чорбайн турарын демдеглээн. Ажыл «Кызылгортранска»-даа, хуу сөөртүкчүлерге-даа четчир. Ындыг болзажок аңаа чижилгени хыналда-хайгаарал органнары чорудуп, ачы-дузаның шынарын бедидеринге, хуу автобустар парыгын чаартырынга, «чажыт» ажылдап турарларны илередиринге идигни бээр ужурлуг. Хереглекчилер пассажирлер аргыжылгазының системазын эде чаартканындан ойнап алырын ол демдеглээн.