Тываның Өөредилге болгаш эртем яамызы малчыннар уругларын тургусканы дээш хуу уруглар садтарынга субсидияларны бээр
15.05.2018
Тыва Республиканың Чазааның 2017 чылдың апрель 7-де «Тыва Республиканың муниципалдыг ниити билиг организацияларының интернаттарында чурттап турар малчыннар уругларын тургускан чарыгдалдарының чартыын эгидери-биле Тыва Республиканың республика бюджединден муниципалдыг районнар болгаш хоорай округунуң бюджеттеринге субсидиялар бээр дугайында дүрүмнү бадылаар дугайында» (http://publication.pravo.gov.ru/Document/View/1700201) № 156 доктаалы езугаар, Тыва Республиканың Өөредилге болгаш эртем яамызының дыңнадыры болза, Тыва Республиканың муниципалдыг ниити билиг организацияларының интернаттарында чурттап турар малчыннар уругларын ажаап-карактаан чарыгдалдарының чартыын эгидери-биле Тыва Республиканың республика бюджединден субсидия алыр дээш конкурс шилилгезинге киржир документилерни 2018 чылдың май 15-тен июнь 15-тиң 18.00 шакка чедир хүлээп алыр.
Тыва Республиканың Өөредилге болгаш эртем яамызының конкурузунга киржирде дараазында документилерни кошкан билдириишкинни киирер:
- бо дүрүмнүң № 3 капсырылгазы езугаар долдурган муниципалдыг районнуң азы хоорай округунуң үделге чагаазы;
- бо дүрүмнүң № 4 капсырылгазы езугаар долдургаш чоруткан документилерниң даңзызы;
- малчыннарның 30-ден эвээш уруглары чурттап турар Тыва Республиканың муниципалдыг ниити билиг организациязының интернадының уставының шынзыткан хоолгазы;
- малчыннар ажы-төлүн шынзыткан даңзы;
- Тыва Республиканың муниципалдыг ниити билиг организациязында өөренип турарларның ада-иези (хоойлу езугаар төлээлери) малчыннар деп бадыткаан шынзылга бижик (Тыва Республиканың Көдээ ажыл-агый база аъш-чем яамызы-биле дугурушканы езугаар Тыва Республиканың муниципалдыг район азы хоорай округтарының чагыргалары шынзылга бижиктерни бээр).
Билдириишкиннерни дараазында адресте хүлээп турар: Кызыл хоорай, Калинин кудумчузу, 1Б бажың, кабинет 222, Тыва Республиканың Өөредилге болгаш эртем яамызы. Телефон: 6-16-04
Возврат к списку
|