Шолбан Кара-оол В.В. Путинниң Президент соңгулдарынче идип үндүргениниң дугайында: чүгле ооң-биле тыва чон камгалалдыг

Декабрь 6-да, средада, Владимир Путин ГАЗ заводтуң 85 чыл болган байырлалынга киришкен. 

Күрүне баштыңы 2018 чылдың мартта болур президент соңгулдаларынга бодунуң кандидатуразын киирер дугайында шиитпирни хүлээп алганын бүдүрүлгениң ажылчыннарынга болгаш хоочуннарынга дыңнаткан. Ажылчыннар президентини деткип, «ГАЗ – Силер дээш!» деп бир үн-биле каттышкан.  

«Ону дыңнадырынга шак-ла мындыг эки чер болгаш эки арга чок. Ийе, Россия Федерациязының президентизи албан-дужаалче бодумнуң кандидатурамны киирер мен» - деп, Путин дыңнаткан. Ажылчыннар «Россия!» деп, база катап бир үн-биле деткээн.  

Тываның Баштыңы Шолбан Кара-оол ол шиитпирни деткээн:

 - Чаңгыс чер-чурттугларым шупту В.В. Путинниң Президент соңгулдаларынга киржир болганын деткиир дээрзинге бүзүрээр мен. Биске ындыг Путин херек: шынзыттынган, идегелдиг, күштүг. Кандыг-даа байдалдарда ону көрүп, кады чораан мен – ол бодунуң күштүг үлегер-чижээ-биле бистерни бурунгаар баштаар, кээргээчел сеткилдиг, ындыг болзажок быжыг туружун черле салбас онза кижи ол. Тыва чон чүгле ооң-биле камгалалдыг чоруур болгаш ам-даа бурунгаар сайзыраар деп идегелди салып турар. Президент-биле кады албан эчизинге чедер мен.