Наадым биле Тыва Республика хүнүнүң хемчеглерин онлайн-дамчыдылга-биле көргүзер

 Малчыннарның «Наадым» база Тыва Республика хүнүнге тураскааткан кол хемчеглерни онлайн-дамчыдылгалардан көрүп болур. 

 Онлайн-дамчыдылгаларны доктаамал тырттырып турар командалар – Тываның Информатизация болгаш харылзаа яамызы, «Тывасвязьинформ» ПАН, «Чингис-Хаан» ХАН, «Новый век» ТДК, информастыг технологиялар төвү, «Тува 24» телеканал Кызылдың төвүнде экраннарже, Интернет четкизинче, телеканалдарже болгаш «Голос Азии» радиоже чамдык хемчеглерни дамчыдар.

  Август 14-де 10.00 шакта «Голос Азии», youtube.com-да https://www.youtube.com/c/ПрямаяТрансляцияТыва, gov.tuva.ru албан езузунуң порталындан база ТСИ tuva.ru сайтыдан Тыва Республиканың аът чарыжын дорт дамчыдылгадан көрүп болур.  

 Август 15-де 13.00 шакта, Ленин кудумчузунда экраннарга база Интернет четкизинге, Тыва Республиканың хүреш маргылдаазын дорт дамчыдар. «Новый век» телеканалдан республика хүрежин база көрүп болур.