29.03.2017
Март 27-де Стратегтиг инициативалар агентилели Тыва-биле кады РФ-тиң 33 субъектизинге инвестиция климадын экижидер талазы-биле ажылды дүүштүрер хөй-ниити төлээлериниң ажык шилилдезин чарлаан.
Leader ID системада ажык шилилгеге киржир билдириишкиннерни 2017 чылдың апрель 27-ге чедир хүлээр. Кандидаттар тодаргай регионда бизнестиң таваржып турары өзек чидиг айтырыгларын илередип, ооң чылдагаанын тодарадып, шиитпирлээриниң дээштиг аргаларын сүмелээр.
Россияның дараазында регионнарында шилилге эгелээн: Сахалин область, Чукот автономнуг округ (ДФО); Татарстан Республика, Пенза, Киров база Ульяновск областар (ПФО); Ненец автономнуг округ, Калининград, Новгород база Псков областар, Карелия база Коми Республикалар (СЗФО); Карачаево-Черкес Республика, Ставрополь край (СКФО); Иркутск, Новосибирск, Омск областар, Бурят база Тыва Республикалар (СФО); Свердловск область (УФО); Белгород, Брянск, Владимир, Калуга, Кострома, Смоленск, Тверь база Тула областар, ол ышкаш Москва (ЦФО); Краснодар край, Ростов область, Адыгей база Крым Республикаларда (ЮФО).
Кордакчылар шилилгениң бирги чадазында анкетаны долдурар, бодунуң регионунда инвестиция климадын экижидер талазы-биле кейсти бодап, регионнуң ажыл-агыйжы климадының кол тургузукчулары-биле кады ажылдажылганың чедиишкинниг арга-дуржулгазын бадыткаар үш арга-сүмени киирер.
Солун шиитпирлер сүмелээн кандидаттар немелде тестированиени эртип, Москвада СИА-ниң «Точка кипения» шөлчүгежинге бо чылдың май 22-23-те эртер шилилгениң ажык чадазынче чалалганы алыр. ТАЙЫЛБЫР СИА-ның хөй-ниити төлээзи штаттан дашкаар ажылдакчы бооп ажылдаар.