Тывага 12 хоочуннарга болгаш дайын киржикчилериниң өг-бүлелеринге чуртталга шөлүнүң сертификаттарын тывыскан.

Тыва Республиканың Чазааның ведомстволар комиссиязы   Ада-Чурттуң Улуг дайынының 12 киржикчилеринге болгаш дайын киржикчилериниң өг-бүлелеринге чурттаар бажың садып, азы тудуп алырынга чаңгыс удааның акша-төлевирин чорудар дугайында шиитпирни хүлээп алган.   Күш-ажыл болгаш социал сайзырал яамызының тайылбырлааны-биле алырга Кызыл хоорайдан, Кызыл, Бии-Хем, Каа-Хем болгаш Улуг-Хем кожууннарындан фронтовиктер болгаш оларның чааскаан арткан өг-бүлелери бодунуң чурттап олурар байдалын экижидип алыр аргалыг болган.

Тыва Республиканың Чазаа ук сорулга езугаар 13 млн. 811 муң рубльди үндүргеш, субсидия онаашкан кижилерниң агар-саннарынче шилчидип берген.    Аямы амгы үеде ам-даа ийи дайын хоочуннарының документилерин белеткеп турар. Ниитизи-биле Тывада Россия Федерациязының Президентизиниң 2008 чылдың май 7-де ат салган № 714 «1941-1945 чылдарда Ада -Чурттуң дайынының киржикчилерин чурттаар оран-сава-биле хандырар дугайында» Чарлыын езугаар Тываның 151 хоочуннары чурттап олурар байдалын экижидип алырынга күрүне деткимчезин алган.