12.12.2016
Бо чоокку чылдарда губернаторларның политиктиг туружунуң рейтингизинде Тываның Баштыңы Шолбан Кара-оол 2016 чылда бодунуң туружун улам быжыглаан. Рейтингиниң тургузукчузу - «Петербургская политика» фондунуң эсперттери беш санныг демдек салыышкынныг шинчилелде Шолбан Кара-оолга 4 кадарны салган.
Регионнарның удуртукчуларының демдээнге соңгулда кампаниязының түңнелдеринден аңгыда, социал-экономиктиг байдалды башкарып билири болгаш соңгулда үезинде регионнуң башкарыкчы бөлүктериниң аразынга турум байдалды хандырып шыдааны салдарлыг болган деп, политологтар санап турар.
Республика Баштыңының эрткен чылын алган «дөртүнге» рейтингиниң авторлары «+» демдекти немээни, Тыва эргелеп-башкарарынга хөй санныг шаптараазыннарлыг, берге регион-даа болза, Шолбан Кара-оол ону удуртуп шыдаан деп үнелээни болур.
Регион Баштыңы Демдээ (5 балл-биле, скобкада – ооң мурнунда рейтингиде демдээ)
Алтай Республика Александр Бердников 4 (3+)
Бурятия Вячеслав Наговицын 2 (3)
Тыва Шолбан Кара-оол 4+ (4)
Хакасия Виктор Зимин 3 (3-)
Алтай край Александр Карлин 3+ (4)
Забайкалье край Наталья Жданова 4 (3)
Красноярск край Виктор Толоконский 4 (3)
Иркутск область Сергей Левченко 4- (4)
Кемерово область Аман Тулеев 3 (4+)
Новосибирск область Владимир Городецкий 3- (3-)
Омск область Виктор Назаров 3+/4- (4)
Томск область Сергей Жвачкин 3- (4)