Тываның 10 кожуунунда арага-арыгже кирерин хораан
21.07.2016
Июльдуң 15-тен август 4-ке чедир, Тываның арыг-арыг ажыл-агыйларының 10 девискээринче киреринге кызыгаарлаашкынны киирген. Өрт айыылының бедик деңнели хевээр артканын барымдаалааш, республика чазааның хүлээп алганы шиитпиринге атты Тываның Баштыңы Шолбан Кара-оол салган.
Регионнуң чамдык территорияларында өрт айыылының IV (бедик) база V (онза айыылдыг) деңнелдери тургустунганын Тываның күрүнениң арга-арыг ажыл-агыйы дыңнаткан. Ылаңгыя Балгазынның, Барыын-Хемчиктиң, Каа-Хемниң, Кызылдың, Таңдының, Тес-Хемниң, Тожунуң, Туранның, Чадаананың база Шагаан-Арыгның арга-арыг ажыл-агыйының девискээрлинче кирери хоруглуг. Ынаар кирер деп бодаза, Тываның арга-арыг күркомдан тускай чөпшээрелди кылдыртыр. Чөпшээрел алган кижилер кайы хамаанчок одаг кывыспас, оът-сиген, артынчылар база бок өрттетпес.
Ол девискээрлерде чурум хажыдыкчыларын илередири-биле республиканың чазаа хыналда-хайгааралды күштелдирериниң дугайында айтыышкынны хүлээп алган.
Кызыгаарлаашкын чурумун хажыдып турар факт-барымдааларны көрзүңерзе, дараазында изиг шугум телефоннарынче дыңнадып болур силер: 8-800-100-9400 азы 8 (39422)6-12-81.
Возврат к списку
|