РФ-тиң Күш-ажыл яамызы Тывада албан езузу-биле ажыл чок чоруктуң саны кызырылганын демдеглээн

09.06.2016

Күш-ажыл рыногунуң неделя санында кылып турар мониторингизинден алгаш көөрге, бүрүткеткен ажыл чок чоруктуң деңнели май төнчүзүнде элээн эвээжээн.

РФ-тиң Күш-ажыл яамызының медээзи-биле алырга, май 25-тен июнь 1-ге чедир чурттуң 59 регионунда ажыл чок хамаатыларның саны 0,7 хуу кызырылган.

РФ-тиң беш субъектизинде - Тыва биле Крым Республикаларда, Ямал-Ненец автономнуг округда, Тула биле Сахалин областарда элээн эвээжээнин яамының парлалга албаны дыңнаткан.

22 регионда ажыл чок хамаатыларның саны көвүдээн. Эң-не хөйү - Киров, Кострома, Амур, Курган областарда, Еврей автономнуг областа, Севастополь хоорайда, Забайкалье крайда. Бурят Республикада, Пенза, Новгород, Свердловск областарда ажыл чоктарның саны өскерилге чок арткан.