Тываның суурларында спорт залдарын септеп чаартыр
04.05.2016
РФ-тиң Чазаа Тывага көдээ черлерде күш-культура болгаш спортка белеткел эрттирер байдалдарны экижидери-биле 26,4 млн. рубльди аңгылаан.
Ол акша-хөреңги-биле спорт залдарын септээр, хостуг аудиторияларны спорт залдары кылдыр эде дериир, школачы спорт клубтарын хөгжүдер, ажык спорт шөлдерин спортчу дериг-херекселдер-биле дерииир.
Федералдыг чазак ол сорулгага ниитизи-биле 1,5 млрд. рубльди РФ-тиң 69 субъектизинге үлештирген. «Чаңгыс демниг Россия» партияның эгелээшкини-биле база көдээде спорт-биле өңнүктешкен уругларның санын көвүдедир дээш, ол шиитпирни хүлээп алганын Дмитрий Медведев дыңнаткан.
Возврат к списку
|