Тываның Баштыңы Ростов областың чурттакчыларынга ханы кажыыдалын илереткен
19.03.2016
Тываның Баштыңы Шолбан Кара-оол самолет-биле болган коргунчуг халапка кижилерниң амы-тынындан чарылганы-биле холбаштыр Ростов областың чурттакчыларынга ханы кажыыдалын илереткен.
Шолбан Кара-оол бодунуң Вконтактыда блогунга мынча деп бижээн:
«Коргунчуг агаар халавынга ростовчуларның амы-тынындан чарылганы-биле ханы кажыыдалды Ростов областың чурттакчыларынга болгаш ооң губернатору Василий Юрьевич Голубевке чаңгыс чер-чурттугларымның өмүнээзинден илергейлеп тур мен. Март 20-де Ростов облазынга кажыыдал хүнү чарлаттынган. Чурттуң бүгү чурттакчылары кажыыдап турар дээрзинге бүзүрээр мен.
Мөчээн кижилерниң төрел болгаш чоок кижилеринге быжыг туттунарын, күштүг болгаш шыдамык болурун күзедим».
Возврат к списку
|