Тываның Баштыңы оруктарда харларны болгаш бажыңнар тудуун хынаан
30.11.2015
Регионнуң удуртукчузу Шолбан Кара-оол Кызыл хоорайда болгаш чоок кавыда оруктарның байдалын хынап көрген. Найысылалдың кол микрорайоннарын кезээш, оруктарда болгаш кижи кылаштаар черлерде элезиннер чаштырбаанын эскерген. Хоорай эрге-чагыргазы кижилерниң айыыл чок чоруунга дээш, ол ажылдарны бирги ээлчегде кылыр ужурлуг. Ынчангаш мэрияның, муниципалдыг бүдүрүлгелерниң удуртукчуларын кыйгырткаш, салдынган сорулга – хар аштаар хемчеглерге идепкейлиг киржип, тайгактыг оруктарны чок кылыр даалганы оларга берген. Республика оруктарының талазы-биле шак-ла ындыг даалганы онаашкан. Бодунуң бирги оралакчызы Владимир Фалалеевке байдалды контрольга алыр онаалданы дааскан.
«Оруктарның шупту угланыышкыннарында эң-не берге участоктарны онза кичээнгейге алыр. Автооруктарга тайгактаанының түңнелинде озал-ондактарны болдурбазы-биле шупту курлавырларны киириштирип, ажылды күштелдириңер» - деп, Тываның Баштыңы Шолбан Кара-оол Орук-транспорт яамызы биле «Тываавтооруктан» негээн.
Оон аңгыда республиканың баштыңы эргижирээн болгаш озал-ондактыг бажыңнардан чурттакчыларны өскээр көжүрери программа-биле туттунуп турар бажыңнарны хынап көрген.
Возврат к списку
|