«Натура Сиберика» компания Тыва Республикадан сарлык сүдүн садып алыр
18.11.2015
Косметика кылыгларынга шынарлыг үстерни бүдүрүлгезинде ажыглап турар «Натура Сиберика» кампанияга Мөңгүн-Тайганың Мөген-Бүренде бүдүрүлгеден сарлык сүдүн чедирер талазы-биле ажылды Тываның Көдээ ажыл-агый яамызы чорудуп эгелээн.
Тыва – чүс-чүс чылдарда өскерилге чок арткан онзагай бойдус чурумалдыг Россияның кайгамчык регионунга хамааржыр. Дошкун агаар-бойдуста чурттап чаңчыккан сарлыктар бодунуң организминде камгаланыр бүдүмелди тургузуп алганнар. Сарлыктарның ол бүдүмели оксидантыларга удур туржур шынарлыг база бедик калорийлиг.
Natura Siberica компания сарлыктарның ол кайгамчык шынарлыг бүдүмелин мага-боттуң аныяксыг, кештиң болгаш баш дүгүнүң чараш болурун кадагалаарынга ажыглаар сорулгалыг.
Республиканың Баштыңы Шолбан Кара-оол биле Natura Siberica компанияның директору Андрей Трубников кады ажылдажылганың дугуржулгазын октябрьда чугаалашкан.
Возврат к списку
|