ТР-ниң аныяктар херээ болгаш спорт сайыды Ак-Довурак хоорайда бассейн тудуун хынап көрген

 Август 20-де ТР-ниң аныяктар херээ болгаш спорт сайыды Юрий Ооржак Ак-Довурак хоорайда эштир бассейнниң тудуун хынап четкен. Ону ТР-ниң Тудуг яамызы биле Капитал тудуг эргелели-биле кады чоруткан. 

 «Объектиниң кол ооргаларын туткан, таваан кудары дооступ турар. Келир неделяда панельден ханаларын эптеп эгелээр – деп, Юрий Ооржак дыңнаткан. - «2006-2015 чылдарда РФ-те күш-культура болгаш спорттуң хөгжүлдези» федералдыг тускай сорулгалыг программа-биле республика бюджединден кады акшаландырыышкын-биле объектини тудуп турарын сагындыраал. 2015 чылдың 4-кү кварталында бассейнни ажыглалга киирер".