Республика Баштыңының стипендиязын тыпсырынга конкурс Тывада эгелээн
23.07.2015
Күрүнениң дээди өөредилге черлериниң болгаш училищелер студентилеринге республика Баштыңының стипендиязын тыпсыр чыл санының конкурузунче документилерни хүлээп эгелээнин ТР-ниң Өөредилге богаш эртем яамызы дыңнаткан. Эрткен чылдарда ышкаш, бо чылын база 32 стипендияны тыпсыр: ортумак профессионал өөредилге черлериниң студентилеринге 2 муң рубль түңнүг алды стипендияны, дээди өөредилге черлериниң студентилеринге 3 муң рубльдиң стипендиязын үлештирер. Дээди өөредилге черлериниң 26 стипендиязының 10-у Тываның күрүне университединде квота-биле быжыглаттынган, арткан 16-зын соңгаар хоорайларның студентилеринге бээр.
Республика Баштыңының стипендиязынче чылдың түңнели-биле өөредилгези шылгараңгай, Тываның социал-экономиктиг хөгжүлдезинге хамаарышкан айтырыгларлыг эртем ажылдарын кылган студентилер кордап болур. Яамының эксперттериниң чугаазы-биле алырга, стипендия алырынга шилилдеде тергиин өөредилгелиг аныяктар хөй. А төрээн чериниң дугайында шинчилел ажылының бары оларның хөй кезиинге күүседири берге негелде болуп турар.
Ындыг болзажок, 2008 чылдан тура Шолбан Кара-оол губернатор стипендиязын бадылап, 32 грант алыкчыларынга чылдың-на тыпсыры чаңчыл болу берген. Бо чылын конкурс шилилгезиниң түңнели-биле, стипендияларны тыпсырынга комиссия бүзүрелдиг. ТР-ниң Өөредилге яамызының комиссиязы киржир күзелдиг студентилерге документилерин октябрь 30-ге чедир дужаап, 6-11-45 дугаарлыг телефондан тайылбырны алырын дыңнатты.
Возврат к списку
|