Тываның Баштыңы күрүне деткимчезиниң үлелгезин ажык-чарлыг чорударын Көдээ ажыл-агый яамызындан негээн
14.07.2015
Тываның Баштыңы губернатор төлевилелдерин, ооң аразында «Чаңгыс суур – чаңгыс бүдүрүлге» төлевилелди онза контрольда тудуп турарын демдеглээн: «Конкурска үндезилээш, акшаландырыышкынның чөптүг үлелгезин чорударда, кожууннарның бурунгаар хөгжүлдезинге агробизнес төлевилелдерин мөөңнээнин өөренип көөрү чугула. Чамдык кожууннарда 4-5 төлевилел ажылдап турар болза, чамдыктарында хары угда 21 төлевилел барын эскерип болур».
Республика Баштыңы Шолбан Кара-оол көдээ ажыл-агый сайыды Сергей Огневтан көдээ ажыл-агый бүдүрүкчүлеринге күрүне деткимчезиниң конкурстарын организастаарда ажык-чарлыг болурун хандырарын негээш, бодунуң айтыышкыны-биле ведомствога комплекстиг хыналданы чорудары-биле Тываның Көдээ ажыл-агый яамызынче ажылчын бөлүктү чорутканын дыңнаткан.
База ол ышкаш дыка хөй яамыларның албан езузунуң сайтылары багай ажылдап турарын, бюджет акша-хөреңгизин ажыглап турарының, субсидияны бээриниң болгаш үлээниниң дугайында ажык-чарлыг дыңнадыгларны салырын негээн.
Возврат к списку
|