Кремльге Россия Федерациязының Күрүне чөвүлелиниң хуралының мурнунда, Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев Сибирь регионнарындан болгаш Донецк Улус Республикада Донецк хоорайдан келген уругларның ыдык күзелдерин бижээн дөрт шарны шивиден тырттып алган.
Алтай крайның Барнаулдан 12 харлыг Артур чажындан тура хоккейниң мөгейикчизи. Ол спортка чедиишкиннерни чедип алыр дээш, амгы үениң хоккей дериг-херекселдерин болгаш идик-хевин белекке алыксап турар болган.
Красноярск хоорайдан 11 харлыг Кирилл бичии уруглар ырыларын дыңнаарынга, демир-орук деп ойнаарынга база чайганыышка чайганырынга ынак. Кирилл белек кылдыр эптиг чайганыыш сандайны алыр.
Новосибирск хоорайдан он ийи харлыг Артём чажындан-на машинага хандыкшылдыг. Ол бодун езулуг чарыш киржикчизи кылдыр бодун сагыштаалап, компьютерге “руль артынга олурар кылдыр” бүрүн эргелиг төлээден кайгамчык белекти алган.
Донецк хоорайның 15 харлыг чурттакчызы Анатолий өөрениринге, компьютерге, фитнеске ынак. Ол спортчу секцияда батутка өрү шураарынга белеткелдерни эртип турар, ам кажан-даа аңаа тренировкалаарда эптиг кылдыр боду батуттуг болуксап турар күзелин бижээн.
Тайылбыр:
Россияның Президентизи Владимир Путинниң эгелээшкини-биле 2018 чылда «Күзелдер Ёлказы» акция эгелээн. Төлевилел амыдыралдың берге байдалынга таварышкан уругларның Чаа чылда кайгамчык чүүлдерге бүзүрелин боттандырар күзелдиг улусту хаара тудуп турар. Киржикчилерниң аразында инвалид 3 хардан 17 харга чедир назылыг кадыкшылы кызыгаарлыг ургулар, өскүс уруглар, эвээш орулгалыг өг-бүлелерниң ажы-төлү база тускай шериг операциязында киржип турар шериг албанныгларның өг-бүлелериниң уруглары база ЛУР, ДУР, Запорожье, Херсон областарда чурттап турар уруглар бар. Чеди чылда 320 муң ажыг уругларның күзелдери боттанган.