Тывада школачы дыштанылга хонуктарын ноябрь 8-ке чедир узаткан

04.11.2020

Тываның Баштыңы Шолбан Кара-оол школачыларга күскү дыштанылганы ноябрь 8-ке чедир узадыр даалганы республиканың өөредилге болгаш эртем яамызынга берген.

Ооң чылдагааны, регионда 18 муң ажыг башкыларның 300 хирези коронавирус-биле аараан. Оперативтиг штаб ындыг шиитпирни үндүрген.

Тываның Баштыңы ооң-биле чергелештир, дыштанылга соонда, өөредилгениң шынарын кудулатпазын негээн. «Школа доозар болгаш оон дээди өөредилге черлеринче дужаап кирер уругларга чаа коронавирус пандемиязы шаптараазыннарны тургузуп болур. Ынчангаш уругларга чогуур билиглерни бээр дээш, ажылды таарыштыр тургузар» - деп, ол чугаалаан. База ол ышкаш кичээлдер аразында, чапсарлар үезинде, уруглар чаңгыс черге таваржып, чыылбас кылдыр чогумчалыг графикти тургузарын өөредилге яамызынга дааскан.