2020 чылдың май 15-те Тыва Республикада коронавирус талазы-биле эпидемиологтуг байдал

2020 чылдың май 15-ке чедир, чаа коронавирус инфекциязын халдадып алган республикада 252 таварылганы илереткен. 

Сегээн соонда 46 кижини үндүр бижээн. 205 кижи аарыгның активчи хевиринде. COVID аарыындан бир кижи чок болган. 

Ийи госпитальдың реанимация салбарларында беш арыг кижи чыдар, оларның ийизин кислородта кошкан. ИВЛ аппаратта кошкан аарыг кижилер чок. Дегдириишкинниң аар хевири 69 кижиде демдеглеттинген, оларның аразында 9 айлыг чаш база бар. 

Республиканың халдавырлыг аарыглар эмнээр салбырларында ОРВИ, пневмония база чаа коронавирус инфекциялыг 230 кижи чыдар:

 • Барыын-Хемчиктиң КЭТ-те – 7 (Covidтиг 1 кижи) 

• Бай-Тайганың ТКЭ-де – 1 

• Мөңгүн-Тайганың ТКЭ-те – 5 (Covidтиг) 

• Чөөн-Хемчиктиң КЭТ-де – 3 

• Каа-Хемниң ТКЭ-де – 1 

• Бии-Хемниң ТКЭ-де – 1

 • Таңдының ТКЭ-де – 2 

• Тес-Хемниң ТКЭ-де – 1 

• Улуг-Хемниң КЭТ-те – 5 

• Чеди-Хөлдүң ТКЭ-де – 6. 

Эрткен үе иштинде ОРВИ, пневмония база Covidтиг 199 кижи эмнеттинген. 

Тыва Республиканың Баштыңының Чарлыктары-биле Мөңгүн-Тайга кожууннуң девискээринде база Таңды кожууннуң Межегей суурда карантинни чарлаан. Мөңгүн-Тайга кожуунда ИВЛ аппаратта коштунган 4 инфекция-реанимация оруннарын белеткээн. Кожуунда алды ИВЛ аппараттар бар. Аарыг кижилерниң байдалы ортумак. Бо таварылгада аарыгны өг-бүлениң иштинге чыпшырып алган. 

Амгы үеде Межегей суурда Covid-19 аарыг кижилер чок, оларны Кызылда халдавырлыг аарыглар эмнелгезинде эккеп, чыттырган. 

Обсерваторларда 197 кижи чыдар.