РФ-тиң Президентизиниң СФО-да бүрүн эргелиг төлээзи Сергей Меняйло Тываның Баштыңынга байырны чедирген

03.02.2017

РФ-тиң Президентизиниң Чарлыы-биле Тываның Баштыңы Шолбан Кара-оолга күрүне шаңналы – Найырал Орденин тывыскан.

РФ-тиң Президентизиниң Сибирь федералдыг округда бүрүн эргелиг төлээзи Сергей Меняйло Тываның Баштыңынга байыр чедиишкинниг телеграмманы чоруткан:

- Хүндүлүг Шолбан Валерьевич! Онзагай болуушкун-биле Силерге байырны чедирип көрейн! Бедик күрүне шаңналын Силерге тывысканы – Тыва Республиканың чонунуң чаагай чоруу дээш Силерниң күш-ажылыңарга төлептиг үнелел-дир. Силерге ам-даа үре-түңнелдиг ажыл-чорудулганы, чаа чедиишкиннерни болгаш тиилелгелерни, кадыкшылды, чаагай чорукту болгаш бүгүдеге экини күзедим!

Хүндүткел-биле, РФ-тиң Президентизиниң Сибирь федералдыг округда бүрүн эргелиг төлээзи С. Меняйло.