Тываның Баштыңы Шолбан Кара-оол Воскресенскиниң кафедралдыг хүрээзинге Владыка Феофанга төрүттүнген хүнү-биле байыр чедирген

 Тываның Баштыңы Шолбан Кара-оол Воскресенскиниң кафедралдыг хүрээзинге чораан база Кызылдың болгаш Тываның епискову Владыка Феофанга төрүттүнген хүнү-биле байыр чедирген. 

 Ыдыктыг мындаагылар январь 18-тен 19-че дүне төрүттүнген, ол Бурганның Крещение байырлалы-биле капсырлашкан. Тываның Баштыңы аңаа сеткилиниң ханызындан байыр чедирген, ыдыктыг албан-хүлээлгезинге чедиишкиннерни болгаш бодунуң күш-ажылының чогумчалыг түңнелдерин көөр аас-кежиин күзээн. Тыва ниитилелге угаан-бодал культуразын бедидериниң талазы-биле хөй талалыг ажыл-чорудулга дээш Шолбан Кара-оол ыдыктыг бүгү башкыларга Владыка Феофанны дамчыштыр өөрүп четтиргенин илергейлээн. Мурнундан бээр киржип келгени Крещение эжиндириишкининге сургакчылап чораанындан киржип шыдавааны дээш, буруузун ол билинген, ол хемчеглер чаңчылчааны чаагай болгаш байырлыг байдалга эртер дээрзинге бүзүрелин илереткен.

 Владыка Феофан чаагай сөстери, православ чаңчылдарны кезээде деткип чорууру дээш, Тываның Баштыңынга четтиргенин илергейлээн. 

 Ыдыктыг князь Владимирниң православ хүрээзин Туранга тударының талазы-биле чогумчалыг түңнелдерни кады ажылдажылганың ачызында чедип алдынган дээрзин талалар сеткил ханыышкын-биле демдеглээннер. Хүрээ туттунган, ону эт-сеп, ыдыктыг бурганнар чуруу-биле четчелээри, мөргүлге эргежок чугула чүүлдерни садып алыры арткан. Бо чылын хүрээни ыдыктаары планнаттынып турар. Сестралар ниитилежилгезиниң корпузу аңаа ажыттынар.  

 Арагага болгаш наркотиктерге алыскан кижилерни шын орукче киирериниң талазы-биле ажылды база сайгарганнар. Бо айтырыгже улуг кичээнгейни салып чоруурун Тываның Баштыңы дыңнаткан, ынчангаш ындыгларны эмнеп домнаары-биле оран-саваны тыпсырын хоорай эрге-чагыргаларындан Владыка Феофанның дилээн ол улуг күзелдии-биле деткип турар. 

 Москваның болгаш бүгү Русьтуң патриаргы Кириллдиң юбилейинге тураскаадып эрткен чылдың ноябрьда болган байырлыг хемчеглерниң дугайында бодалдарын илередирин Тываның Баштыңы Шолбан Кара-оол Владыка Феофандан дилээн. «Патриархтың юбилейи — хүрээ юбилейи-дир. Ол дыка бедик деңнелге эрткен. Дыка хөй аалчылар кээп байыр чедиргеннер, оларның аразынга Россияның Президентизи болгаш Чазааның Даргазы база келген. Документалдыг фильмнер Патриархтың чуртталгазының орун көргүскен. Ол дээрге идепкейлиг амыдыралчы туруштуг кижи-дир» — деп, ол чугаалаан.

 «Ханы хүндүткелдиг Патриарх Кириллдиң тывысканы Алдарның болгаш Арын-Нүүрнүң орденин хумагалап чоруур мен, ол мээң ажылдаар кабинедимниң эң хүндүткелдиг черинде делгеттинген» — деп, Шолбан Кара-ол чугаалаан.