ТЫВАНЫҢ БАШТЫҢЫ КҮРҮНЕ ДУМАЗЫНЫҢ ДЕПУТАТТАРЫНГА РЕГИОН БЮДЖЕДИН КАМГАЛААРЫН ЧАГААН

 Тыва Республикадан Күрүне Думазының депутаттары Лариса Шойгу биле Мерген Ооржак, регионга ажылдаар неделязында, соңгукчулары, яамылар удуртукчулары база Дээди Хуралда коллегалары-биле ужуражыр.  

 Тываның Баштыңы Шолбан Кара-оол парламентарийлер-биле ужурашкаш, Күрүне Думазында 2017 чылдың федералдыг бюджет төлевилелиниң сайгарылгазының үезинде регионнуң бюджет сонуургалын камгалаарын чагаан. Каа-Хем суурда спортчу-культура төвү, Кызыл хоорайда терапия корпузу, Ак-Довурак хоорайда чаа котельная, Кызыл-Мажалык суурда школа тудуу дээн ышкаш тудуг объектилериниң акшаландырыышкынын камгалаары чугула деп, республика баштыңы демдеглээш, Тываның Саң-хөө база Экономика яамылары-биле ук саналды ажылдап кылырын сүмелээн. 

 «Бистиң субъектиден Россияның Парламент депутаттары болгаш кежигүннери-биле ужуражылгаларны эрттирип тур мен. Келир чылдың бюджет айтырыын туруштуу-биле камгалаар херек. Курну тырттыныпкаш, темпини кошпатпайн, чугула кол айтырыглар талазы-биле бурунгаар чүткүүр! Оруктар, тудуглар (эгелээнин доозар), Ак-Довуракта, Шагаан-Арыгда котельнаялар…» - деп, Шолбан Кара-оол бодунуң блогунда бижээн.