Ростуризм Тывага турисчи кластерлер тургузарынга акшандырыышкынны бээрин уламчылаар

        Туризм талазы-биле федералдыг агентилел (Ростуризм) федералдыг бюджеттен акшаландырар 55 регион төлевилелдериниң санынче Тывада «Алдын-Булак» этнокультура комплекизи биле «Силбир» төптүң баазазынга турисчи кластерлерни тургузар дугайында төлевилелдерин киирген. Ооң-биле холбаштыр «Россия Федерациязында иштики болгаш үнүүшкүннүг туризмни хөгжүдери (2011-2018 чылдарда)» федералдыг тускай сорулгалыг программага өскерлиишкиннер киирерин ведомство белеткээн, деп Ростуризмниң сайтызы дыңнаткан. 

     Ол доктаал федералдыг тускай сорулгалыг программаже кирген турисчи кластерлер тургузар төлевилелдерниң акшаландырыышкынының хемчээлин тодараткан. Төлевилелдерниң чамдыызы эрткен чылдарда программа боттанылгазындан күрүне деткимчезин ап каапкан болза, артканнары бо чылын азы дараазында чылдарда ону алыр. Күрүне акшаландырыышкынының дөстери: Россияның Спорт, туризм яамызы, Россияның Регионнар хөгжүлдезиниң яамызы база Ростуризмден. 

 Доктаалдың төлевилели езугаар «Россия Федерациязында иштики болгаш үнүүшкүннүг туризмни хөгжүдери (2011-2018 чылдарда)» федералдыг тускай сорулгалыг программа-биле федералдыг бюджеттен Россияның регионнарынга 2011-2018 чылдарда туризмни сайзырадырынга 32 млрд. рубль көрдүнген. 2014 чылда 4,4 млрд. рубльди, 2015 чылда 4 млрд. рубльди, 2016 год - 4,8 млрд. рубльди, 2017 чылда - 5,1 млрд. рубльди, 2018 чылда - 6,3 млрд. рубльди аңгылаары планнаттынган.